8/14/2009

馬英九的余文



如果台灣這遍風颱的災難毋是蓋慘重,我想外國的救援團體袂主動要求欲來台灣鬥跤手。對8月9日開始,我就陸續接著國外的客戶寫來表示關心的電子批,內底有美國,澳洲,馬來西亞,韓國等。一開始,接著遮的國際朋友寫來的批,我就知影台灣的災害佇國際上的新聞一定誠大。小小的台灣承受遮呢大的災難,我想無的是馬英九政府為啥物欲拒絕外國救援團體的協助?敢講家己講有法度控制場面就準算嗎?救援是人道精神的表現,台灣接受外國救援團體的協助,除了會使予人民知影國際的友誼是遮爾可貴以外,閣會使借國際救援的機會觀摩學習別國的能力佮智識。假使咱另工主動對外國提講咱欲去亻因的國家幫助發生佇亻因身上的災難,結果煞予對方拒絕,咱一定會感覺誠遺憾,而且民間也有可能會批評對方無欲接受救援的心態。閣再講,天然災害發生的時陣,本來就應該儘量予外國有意願幫忙的救難團隊入來鬥相共[tàu-sann-kāng]。其實,每一个救難團隊攏是借著不斷參與救難中學習經驗,這種學習著的經驗,會使發揮佇日後其它類似的災難案例上。咱拒絕外國團隊入來的行為背後,就是咧妨礙人類救難經驗的累積,這種拒絕的行為對人類來講是非常無道德的。咱共門關起來家己舞,是因為咱無欲麻煩人嗎?前幾日佇新聞頂我看著的是,咱的歐巴桑已經家己爬轉去村內家己自救矣,毋閣咱的救援人員閣猶袂到。
外交部次長夏立言講是消防署當時表示無欲外國支援的意思,所以才發電報通令外交部國外館處婉謝外國援助。毋閣,消防署長黃季敏反駁講:「外交部從未徵詢」。夏立言明顯是予安排出來假做另外一个「余文」的角色,發生遮呢大的災難,夏立言那有膽敢侵佔馬英九的外交統率權呢,這毋是事務分層負責會當解釋的?無須要外國支援如果毋是馬英九的指令,外交部長歐鴻鍊佮夏立言敢敢[kám-kánn]做這種侵犯外交統率權的決定嗎?馬英九毋是狗,狗猶會忠心引導受難族人脫困,馬英九祇是糞埽[pùn-sò],專門攏絡蛋頭學者的糞埽爾。



0 意見:

張貼留言